Төрeк мaтбугaтынa күзәтү - Törek matbuğatına küzätü 17.05.2021
17нче майда бaсылып чыккaн кaйбeр төрeк гaзeтлaрынa күзәтү / 17nçe mayda basılıp çıqqan qayber törek gazetlarına küzätü
“Sabah” gazetı: “Ärdoğannan Fälästin häm Tön’yaq Kipr Törek Cömhüriyäte açıqlawı”
İlbaşı Räcäp Tayyip Ärdoğan “Sabah” gazetına açıqlawlar yasadı. “İzrail dip yörtelgän terror däwläteneñ qoyğan bu qanğa tawışnı çığarmawçılar şunı belsen: kön kilep citer, barış alarnıñ üzlärenä dä kilep bärer”, - dip äytüçe Ärdoğan: “Kipr törek xalqınıñ xoquqın da axırğaça saqlayaçaqbız. Ämma şunı da äytim: üzebezdän başqa berkemgä dä ışanmıybız”, - dip belderde.
“Watan” gazetı: “Berläşkän Millätlär Oyışması İzrailneñ cinayätlären aşığıç räweştä kön tärtibenä alırğa tiyeş”
Törkiyä Böyek Millät Mäclese başlığı Mostafa Şäntop BMOnıñ İzrailgä häm Fälästingä bäreleşlärne beterergä çaqıruınıñ citärle bulmawın belderde. Şäntop: “BMO İzrailneñ tınıç xalıqnı üterüen, däwlät terrorçılığın häm yasağan keşelek cinayätlären aşığıç räweştä kön tärtibenä alırğa tiyeş”, - dip äytte.
“Xäbär Türk” gazetı: “İzrailneñ höcümnäre aldında tawışsız qalu qabul itelmäslek”
İzrailneñ höcümnäre aldında BMO İminlek Şurasınıñ tawışsız qaluın “qabul itelmäslek” buluın belderüçe Törkiyäneñ BMO daimi wäkile Färidun Sinirlioğlu: “Fälästinnär öçen xalıqara saqlaw mexanizmı buldırılırğa tiyeş”, - dip täq’dim kertte.
“Yäni Şafak” gazetı: “Fälästingä Liviya modele”
Ölkän tıl admiralı Cihat Yaycı Törkiyäneñ Liviya kebek Fälästin belän dä diñgez wäqalät kileşüen imzalawnı täqdim itte. Törkiyäneñ diñgezdän Fälästingä kürşe bula alacağın belderüçe Yaycı: “Tön’yaq Kipr Törek Cömhüriyäte belän 2011nçe yılda bez qul quyğan qıytğa kiñlegen çikläw kileşüe ürnäk. Bu kileşü Tön’yaq Kipr Törek Cömhüriyäte BMO äğ’zase bulmawına qaramastan ğamäldä. Şuşındıy uq räweşle Fälästin belän dä bu kileşügä qul quyarğa bula”, - dip äytte.
“Star” gazetı: “AQŞnıñ İzrailgä yärdämnäre keşeleksez”
İzrailneñ Ğazzädä Fälästinnärne tämek itep alğan höcümnäre däwam itkän çaqta amerikalı Demokrat senator Bernie Sanders İzrailgä ber yıllıq yaqınça 4 milliard dollar xärbi yärdäm täêmin itüçe Amerika Quşma Ştatları citäkçelegenä reakśiya kürsätte. Sanders: “AQŞ yärdämnären keşe xoquqların bozunı yaqlaw öçen qullanu qanunsız. Aşığıç räweştä utnı tuqtatu çaqıruın yasarğa tiyeşbez”, - dip äytte.
