Төрeк мaтбугaтынa күзәтү - Törek matbuğatına küzätü 04.05.2021
4нче майда бaсылып чыккaн кaйбeр төрeк гaзeтлaрынa күзәтү / 4nçe mayda basılıp çıqqan qayber törek gazetlarına küzätü
“Yäni Şafak” gazetı: "“Aq” partiya süzçese Ömär Çäliktän Anastasiadisqa reakśiya: “Bu xörmätsezlekne kire qaytarabız”"
“Ğadälät häm qalqınu” partiyası (“Aq” partiya) süzçese Ömär Çälik Kipr grek citäkçelege liderı Nikos Anastasiadisnıñ Törkiyäne maqsat itep alğan açıqlawları belän bäyle bularaq: "Törkiyä Cömhüriyätenä, millätebezgä qarata yasağan bu xörmätsezlekne şuşı uq räweşle kire qaytarabız”, - dip äytte. Çälik kiçä yasağan belderüendä: "Kipr grek töbägeneñ Awrupa Berlegen üz uyınçığına äyländerüe Awrupa Berlege tarafınnan qabul itelgän mäs’älä bulsa bu alarğa xäyerle bulsın”, - dip citkerde.
“Xörriyät” gazetı: "Tön’yaq Kipr Törek Cömhüriyäte İlbaşı Tatardan Kipr grek liderı Anastasiadiskä yañaqlaw kebek cawap"
Tön’yaq Kipr Törek Cömhüriyäte İlbaşı Ärsin Tatar Jenevada 27nçe-29nçı aprel’dä ütkärelgän räsmi bulmağan 5+BMO cıyılışında üzläre täq’dim itkän tigez möstäqil ike däwlätneñ xezmättäşlegenä nigezlängän çişeleş täq’dimen “dorfalıq” dip bäyäläwçe Kipr grek citäkçelege liderı Nikos Anastasiadiskä "közgegä qararğa häm ädäpsezneñ kem buluın kürergä” çaqırdı.
“Sabah” gazetı: "“VOLKAN-M” xäräkätle tank atu künegülären uñışlı başqardı"
ASELSAN xärbi êlektronika sänäğäteneñ “VOLKAN-M” atu kontrol’ sistemasınıñ sınawları “M60TM” tankı belän yasaldı. İlbaşı idaräseneñ saqlanu sänäğäte başlığı İsmail Dämir “Twitter” akkauntınnan citkergän yazmasında Törek qorallı köçläre inventarendäge “M60TM” tanklarınıñ, ber yaqtan, modernizaśiyasın, ber yaqtan da, barlıq komponentlarınıñ milliläşterelüen täêmin itülären äytte.
“Watan” gazetı: "İñ küp êksport avtomobil’ industriyasında buldı"
Avtomobil’ industriyası aprel’ ayında 2 milliard 465 million 647 meñ dollar belän iñ küp êksport yasalğan tarmaq buldı. Aprel’dä iñ küp êksport başqarılğan berençe 3 il 1 milliard 654 million dollar belän Germaniya, 1 milliard 182 million dollar belän Amerika Quşma Ştatları häm 1 milliard 33 million dollar belän Böyekbritan buldı.
“Star” gazetı: "Tanılğan kämitçedän Ärdoğanğa xat"
Franśuz kämitçe Dieudonne M'bala, İlbaşı Räcäp Tayyip Ärdoğanğa xat cibärep, säyäsi sıyınu soradı. M'bala xatında İzrailneñ Fälästin cirlären kolonizaśiyäläwen gäyepläwçe sketçınnan soñ 20 yıl buyı sistemalı räweştä yala yağuğa, şantajğa häm çitläşterelügä duçar itelüen citkerde.
