Törek matbuğatına küzätü 05.04.2021

“Yeni Şafak” gazetı bügen ilbaşı Ärdoğannıñ bäyäläw cıyılışı ütkärüe turında xäbär itä.

Utırışnı Törkiyä ilbaşı Räcäp Tayyip Ärdoğan rezidenśiyäsendä ütkäräçäk. Şunnan soñ anıñ Ğadälät häm üseş partiyäseneñ üzäk qarar çığaru komissiyäse cıyılışında da qatnaşuı kötelä.  

“Sabah” gazetı Çavuşoğlunıñ Montrö kileşüe häm İstanbul kanalı turındağı belderülären citkerä.

Törkiyä tışqı êşlär ministrı Mäwlet Çavuşoğlu älegä qadär İstanbul kanalı proyektı mäs’äläsendä Törkiyägä basım yasalmawın belderde. Ul Montrö kileşüeneñ İstanbul kanalına häm İstanbul kanalınıñ Montrö kileşüenä yoğıntısı bulmayaçağın äytte. “Bosfordan ütüçe korablarnı mäcbüri İstanbul kanalına yünältsäk, ul waqıtta bäxäs çığarğa mömkin,”-dide Çavuşoğlu.

“Hürriyet” gazetı “İstanbul kanalı tözeläçäk” digän xäbärendä äylänä-tirä häm şähär tözeleşe ministrı Murat Kurumnıñ belderülären birä.

Ul Qara diñgez belän Êgeyne totaştıruçı İstanbul kanalınıñ yasalaçağına ışanuların äytte. Ministr ilbaşı Räcäp Tayyip Ärdoğannıñ “Bernigä qaramastan êşläyäçäkbez” digän süzlären iskä töşerä häm ilneñ üseşe öçen kiräkle proyektlarnı ber-ber artlı äsärgä äwerelderüne däwam itäçäklären citkerä

“Haber Türk” gazetı “Törkiyä – logistika üzäge bulaçaq” dip yaza.

Transport häm asqorma ministrı Adil Karaismailoğlu İstanbul kanalınıñ şähärne bötendön’ya säwdä äyläneşeneñ üzäk noqtalarınnan bersenä äwerelderäçägen belderde. Anıñ äytüençä, proyektnıñ tender äzerlekläre bara häm tizdän tözeleş başlanaçaq.

“Star” gazetı Awrupa Berlegeneñ Törkiyägä bäyle uñay kön tärtibe turında citkerä.

Awrupa Berlege komissiyäse başlığı Ursula fon Der Leyen häm berlekneñ şura räise Çarl’z Mişel’ 6nçı aprel’dä Törkiyägä kilä. Belgeçlär bu säfärneñ uñay kön tärtibenä öleş kertäçägen farazlıy.