Төрeк мaтбугaтынa күзәтү - Törek matbuğatına küzätü 29.03.2021
29нчы мартта бaсылып чыккaн кaйбeр төрeк гaзeтлaрынa күзәтү / 29nçı martta basılıp çıqqan qayber törek gazetlarına küzätü
“Xörriyät” gazetı: "Sälçuk Bayraqtar: ““AKINCI PT-3”ne tağın da kübräk cirdä tota almadıq”"
“Baykar” texnik mödire Sälçuk Bayraqtar sośial’ media akkauntınnan “AKINCI PT-3”neñ berence oçışınıñ uñışlı tämamlanuın citkerde. Bayraqtar yazmasında: "“AKINCI PT-3”ne tağın da kübräk cirdä tota almadıq. Bügen täwge oçışın uñışlı tögälläde”, - dip äytte.
“Sabah” gazetı: "Ançous êksportı 2021nçe yılnıñ ike ayında 1 million 800 meñ dollar qazandırdı"
Törkiyädän bıyıl ike ayda 18 ilgä 1 million 772 meñ 458 dollar külämendä ançous balığı êksportı yasaldı. Bel’giya, Franśiya häm Germaniya – iñ küp êksport yasalğan illär buldı.
“Xäbär Türk” gazetı: "Törek uyınnarı dönyanıñ urtaça kürsätkeçennän yuğarı bilge aldı"
Törek programmistlarınıñ quşımta kibete “Google Play”däge uyınnarı uyınnı yaratuçılardan 5 östennän urtaça 3,94 bilge aldı. Platformadağı böten mobil uyınnarnıñ ğomum urtaça bilgese isä 3,76 buldı. Bu räweşle cirle uyınnar dönyanıñ urtaça kürsätkeçennän kübräk oşatu qazandı.
“Yäni Şafak” gazetı: "Törek xirurgı maxsus çaqıru belän kitkän Üzbäkstanda 11 balağa operaśiya yasadı"
Hitit universitetınıñ mediśina fakul’tetı dekan urınbasarı professor doktor Çağatay Ävrim Afşarlar çaqıru belän kitkän Üzbäkstanda 11 balağa operaśiya yasadı. Afşarlar yasağan operaśiyäläre waqıtında üzbäk tabiblärenä täcribäse belän dä urtaqlaştı.
“Star” gazetı: "Törkiyä-Latviya matçı canatarlar belän uynalaçaq"
2022 FIFA Dön’ya kuboğı Awrupa saylap alu G törkemendä 30nçı mart sişämbe könne İstanbul Atatörek olimpiada stadionında uzaçaq Törkiyä-Latviya matçına 15% külämendä canatar alınaçaq.
