Törek matbuğatına küzätü 27.01.2021

“Yenişafak” gazetı Ärdoğannıñ “Tizdän 50 million doza vakśina ilebezgä kiläçäk” digän süzlären alğı planğa çığara.

Törkiyä ilbaşı Räcäp Tayyip Ärdoğan: “İñ alğa kitkän däwlätlärdä vakśina belän qıyınlıqlar bar. Bez isä preparatlarnı bik tiz ala başladıq. Berençe êtapta ilgä 50 million doza vakśina kiläçäk,”-dip söyläde.

“Habertürk” gazetı koronavirusta mutaśiyäne waqıtında kürep alaçaq proyekt xaqında yaza.

Törkiyä sälamätlek saqlaw ministrlığı häm Bötendön’ya sälamätlek saqlaw oyışması “Kovid-19 belän köräştä milli potenśialnı köçäytü proyektı”n tormışqa aşırdı. Ul test waqıtınıñ qısqartıluı, genom analizı êşçänlekläre belän virustağı mutaśiyäne waqıtında açıqlawnı maqsat itep quya. Älege proyekt Törkiyäneñ koronavirusqa qarşı köçen arttırır dip kötelä.

“Star” gazetı kürşelärneñ Törkiyägä säfäre xaqında citkerä.

İran tışqı êşlär ministrı Cävad Zarif Kavkaz töbägendä 6lı xezmättäşlek platforması oyıştırırğa teläwlären häm bu maqsattan region buyınça säfärgä çığuların söyläde. Anıñ Törkiyägä dä kilüe kötelä.

“Sabah” gazetı “Ğıyraq armiyäsenä yärdäm itü öçen Bağdadqa kittelär” dip yaza.

Törkiyä milli saqlanu ministrlığı bolay dip belderde: “Xärbi kiñäşçelärebez, NATO Ğıyraq missiyäse qısalarında, dus häm qardäş Ğıyraq armiyäsenä yärdäm itü öçen Bağdadqa kitte”.

“Hürriyet” gazetı Törek hawa yulları häm İstanbul aêroportınıñ uñışı turında yaza.

İstanbul aêroportı belän Törek hawa yulları Awrupa hawa navigaśiyäse qurqınıçsızlığı mäğ’lümatlarına qarağanda, ğıynvar ayınıñ öçençe atnasında Awrupada aldınğı buldı. Törek hawa yulları 18nçe-24nçe ğıynvar arasında köndälek urtaça 596 oçış belän awrupalı köndäşlären artta qaldırdı. İstanbul aêroportı şul uq çorda köndälek 484 säfär belän Awrupadağı aêroportlar arasında berençe buldı.