İstanbul çit il keşelären qunaq itä

Törkiyäneñ turizmda aldınğı şähärlärennän bulğan İstanbul bu yılnıñ berençe ike ayında 2 million 457 meñ 518 çit il keşesen qunaq itte.

Mädäniyät häm turizm ministrlığınnan yasalğan belderügä kürä İstanbulğa ğıynwar häm fevral’ aylarında kilgän çit il keşese sanı 2023 yılnıñ şul uq ayları belän çağıştırğanda 8,08%ka arttı.

Törkiyägä berençe 2 ayda kilgän 4 million 341 meñ 606 çit il keşeseneñ yartısın qunaq itkän İstanbulnı fevral’ ayında iñ küp Rusiyä watandaşları sayladı.

İstanbulğa fevral’dä Rusiyä Federaśiyasennän 138 meñ 957, Germaniyadän 95 meñ 465, İrannan 75 meñ 312, Angliyadän 56 meñ 430, Franśiyadän 48 meñ 902, Soğud Ğaräbstanınnan 43 meñ 415, Amerika Quşma Ştatlarınnan 41 meñ 472 keşe kilde.