2027nçe yılğı Awrupa uyınnarı İstanbulda uza

Awrupa Olimpiya komitetı başqarma şurası 2027nçe yılda dürtençe tapqır oyıştırılaçaq Awrupa uyınnarınıñ İstanbulda uzaçağı turında qarar çığardı. Monı şuradağılar bertawıştan xuplıy.

Komitet räise Spiros Kapralos bolay dip belderü yasadı: “İstanbul häm Törkiyä ozaq waqıttan birle xalıqara sportnıñ yaxşı dustı. İstanbul sportnı watandaşlarnıñ faydası öçen köndälek tormışnıñ ber öleşe xälenä kiterde. İstanbulnıñ 2027nçe yılda Awrupanıñ iñ aldınğı sportçıları balqıyaçaq urın bula alaçağın beläbez”.  

 Awrupa uyınnarınıñ täwgese 2015nçe yılda Baqıda, ikençese - Minskida, öçençese - Krakovta oyıştırılğan ide.