Lava êçendä tantana maşinası

İtaliyaneñ Pompey töbägendä süngän lavalar êçendä Rim çorına qarağan 2000 yıllıq tantana maşinası tabıldı.

İtaliyaneñ Mädäniyät ministrlığı tantana maşinasınıñ b.ê. soñ 79nçı yılda vulkanik şartlaw belän kümelgän borınğı Pompey şähäre yanındağı töbäktä tabıluın belderde.

Pompey arxeologik mäydanı êlekke mödire Massimo Osanna töbäktä monnan alda törle maşinalar tabuların, läkin tantanalarda qullanılğan maşinanıñ berençe tapqır çığuın äytte.

Maşinanıñ timer, bronza häm qalaydan yasaluı citkerelde.

Mädäniyät ministrı Dario Françeskini Pompeydağı qazularnıñ däwam itäçägen açıqlap: “Pompey bezne şaqqattırırğa däwam itä, bu yıllar buyı baraçaq,” – dide.

Pompey Berläşkän Millätlär Oyışmasınıñ YUNESKO Dön’ya Mirası isemlegendä urın ala.