Xäräkätsez yäşaw räweşe ateroskleroznı arttıra

Balaçaq häm yäş’üsmer çaqta xäräkätsez yäşaw räweşeneñ ateroskleroznı arttıra aluı açıqlandı.

Angliyädäge Oksford, Bristol’ häm Êkseter universitetları belän Könçığış Finlyandiya universitetı ğalimnäre ütkärgän urtaq tikşerenüdä 11 yäş’tän 24 yäş’kä qadärge 1 meñ 339 balalar häm yäş’lär tikşerelde.

Tikşerenü barışında ğalimnär balalarda häm yäş’üsmerlärdä xäräkätsez qalu, aktiv bulmaw waqıtınıñ könenä 6 säğat’tän 9 säğat’kä citüneñ ateroskleroznı yaqınça 10%qa arttıruın açıqladılar.

İkençe yaqtan tikşerü şunı kürsätte: qartlıq ta ateroskleroznı köçaytä, bu ölkännärdä irtä ülem qurqınıçın 47%qa arttırırğa mömkin.

Monnan tış tikşerenü könenä kim digändä 3 säğat’ ciñel fizik aktivlıq bu qurqınıçnı kimetergä yärdäm itä digän näticägä kilgän.  

Könçığış Finlyandiya universitetı tabibı Êndryu Agbaje :”Balaçaqtağı aktivsızlıq sälamätlek öçen  uylanğannan qurqınıçraq”,- dip beldergän.

Tikşerenü näticäläre "Acta Physiologica" jurnalında dön’ya kürgän.