Kuleba Rusiyäneñ ğayepläwlären “yalğış häm absurd” dip atadı

Ukraina tışqı êşlär ministrı Dmitro Kuleba Rusiyä başqalası Mäskäwdä 22nçe martta bulğan terrorçı höcümen üzeneñ ile belän bäyläp qarawlarınıñ “yalğış häm absurd” buluın äytte. Ul Pol’şa başqalası Varşavada oyıştırılğan onlayn cıyılışta jurnalistlarnıñ sorawlarına cawap birde. Kuleba Rusiyäneñ Ukrainanı naçar itep kürsätü öçen barısın da êşläwen alğa sörä.

Mäskäwdä Krokus konśertlar zalında bulğan terrorçı höcümendä 140 keşeneñ ğomere özelde.