Melillada migrant kiçüendä rekordlı ülem
İspaniyanıñ Melilla şähärendä migrant kiçüe rekordlı ülemgä kiterde
Afrika qaçaqlarınıñ häm migrantlarınıñ Marokkodan İspaniyanıñ Melilla toraq punktına kümäk räweştä uzarğa tırışudan soñ
kim digändä 23 keşe ülde.
Räsmilär ülemnärneñ comğa könne yaqınça 2000 qaçaqnıñ häm migrantnıñ säğätlär buyı köçle bäreleşlärgä yul açqan İspaniya cirlärenä kerergä tırışuınnan soñ kilep çıqqan “qısrıqlıq” arqasında barlıqqa kilüen äytä.
Fäqät keşe xoquqları törkemnäre, iminlek köçlären çik buyında “çamasız köç”
qullanuda gäyıpläp, İspan häm Marokko xakimiyätlären ülemnärne tikşerergä çaqırdı.
Sośial’ mediada taralğan videolar İspaniya häm Marokko poliśiyasınıñ çik buyında qaçaqlarğa ut açuın kürsätä.
Şul arada İspaniya Baş ministrı Pedro Sanchez çik buyın uzu omtılışın “İspaniyanıñ cir bötenlegenä höcüm” bularaq taswirladı.
Bu İspaniya häm Marokkonıñ uzğan ayda diplomatik mönäsäbätlärne torğızğannan birle yasalğan berençe kümäk çik buyın bozu oçrağı.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
