Tön'yaq Koreyada koronavirus yoqtıruçılar 2 million

Koronavirus kizüe başlanğannan birle 2 yıl tiräse üzendä awırtu oçraqları bulmawın belderep kilgän Tön’yaq Koreyada yoqtıruçılar 2 millionğa yaqınlaştı.

İlneñ xäbär agentlığı mäğ’lümatlarına qarağanda, soñğı 24 säğat’tä 262 meñ 270 keşedä yuğarı temperatura bilgeläre kürengän. Şulay itep aprel’ axırınnan xäzergä qadär mondıy simptomnar beläñ möräcäğat’ itüçelär  sanı 1 million 980 meñgä citkän. Ülüçelär - 63 keşe. 740 meñ 160 keşe izolyaśiyälände.

Tön’yaq Koreyada sälamätlek saqlaw sisteması köçle tügel häm xalıq koronavirusqa qarşı vakśina qadatmağan. Şuña kürä ildä kizüneñ gumanitar krizisqa kiterä aluı farazlana.

Tön’yaq Koreya Bötendön’ya sälamätlek saqlaw oyışmasınıñ az häm urta keremle illärne vakśina belän täêmin itü öçen tözelgän programması nigezendä täq’dim itelgän millionlağan doza vakśinanı kire qaqqan ide.