Paşinyannıñ Törkiyä belderüe
Ärmänstan Baş ministrı Nikol Paşinyan: "Ärmänstannıñ Antaliyadağı Diplomatiya forumında qatnaşuı köçle ixtimal”, - dip äytte
Nikol Paşinyan “Facebook” aşa tapşırılğan matbuğat oçraşuında ileneñ Törkiyä häm Azärbaycan belän mönäsäbätlären bäyäläde.
Azärbaycan belän tınıçlıq kileşüeneñ imzalanuı mäs’äläseneñ kön tärtibendä buluına iğ’tibarnı yünältüçe Paşinyan: "Mondıy kileşügä imza salınırğa tiyeş, läkin iñ êlek bu dokument söyläşülär näticäsendä äzerlänelergä tiyeş. Ärmänstan bu söyläşülärgä äzer”, - dip äytte.
Paşinyan, Törkiyä belän mönäsäbätlärne dä cayğa salırğa teläwlären iskärtep uzıp: "Törkiyä belän alşartsız räweştä diplomatik mönäsäbätlär urnaştırırğa häm çiklärne açarğa telibez. Êlek bez uñışlı bula almadıq häm şul täcribäne qullanırğa tiyeşbez”, - dip belderde.
Törkiyä belän Ärmänstan arasındağı söyläşülärneñ maxsus wäkillär däräcäsendä başlawın xäterlätüçe Paşinyan: "Maxsus wäkillärebez küreşte. Bu barış şuşı räweşle däwam itsä, Ärmänstannıñ Antaliyadağı Diplomatiya forumında qatnaşuı köçle ixtimal. Söyläşülärgä däwam itü forsatın yuğaltu mantıyqsız bulır”, - dip äytte.
Tışqı êşlär ministrı Mäwlüt Çavuşoğlu 19nçı ğıynwarda yasağan belderüendä 11nçe-13nçe martta ütkäreläçäk Antaliya Diplomatiya forumınıñ ikençesenä Ärmänstannan räsmilärneñ dä çaqırıluın citkergän ide.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy