Meñ yılda ber bula torğan waqıyğa

Kön’yaq Tın okeandağı utraw-däwlät Tonganıñ Xunga Xaapay utrawında bulğan häm bik küp däwlät öçen śunami xäwefe barlıqqa kitergän yanartaw atuı Yaponiya meteorologiyä agentlığınıñ iyärçene tarafınnan töşerep alındı.  

Śunami kisätüe yasalğan illär arasında Kanada, Avstraliyä, AQŞ, Çili, Peru, Êkvador, Yaña Zelandiyä, Fidji häm Yaponiyä bar. Tik ul 170 utrawdan toruçı Tongağa nıq bärde.  105 meñ keşe yäşi torğan däwlät belän hälakättän soñ êlemtä naçar.  

Tongadağı su astı yanartawı şartlawın belgeçlär meñ yılda ber kürelä torğan waqıyğa dip atıy. Anıñ tawışın 2 meñ 300 çaqrım yıraqlıqtağı Yaña Zelandiyädä dä işetälär. Xökümät räise Jasinda Ardern Tonganıñ başqalası Nukualofada bik küp köymäne dulqınnar yarğa atuın citkerde. Ä şähär üze vulqan qaldıqları belän qaplanğan. Ul keçkenä utraw-däwlät belän êlemtäneñ bik çikle buluın äytä.  

Ardern diñgez astınnan uzuçı êlemtä kabel’lären tözätü mäs’äläsendä Tongağa yärdäm itärgä äzer buluların da östäde.

AQŞ däwlät särqatibe Êntoni Blinken da ileneñ Tongağa yärdäm cibärergä äzer buluın belderde.

Kiçä şartlağan su astı yanartawınıñ niqadär zarar kiterüe älegä bilgele tügel. Tongada ülüçelärneñ bula aluı farazlana.