Ğaräp däwlätläre ligası AQŞqa häm Awrupağa möräcäğat' itte

Ğaräp däwlätläre ligası, Amerika Quşma Ştatları häm Awrupa Berlegenä möräcäğat’ itep, İzrailgä qoral häm suğış kiräk-yaraqları êksportlawnı tuqtatırğa çaqırdı. Liga İzrail armiyäseneñ 202 kön buyı höcümnäre däwam itüçe Ğazzä sızığındağı waqıyğalar turında söyläşü öçen daimi wäkillären ğadättän tış cıydı.

Misırnıñ räsmi mäğ’lümat agentlığı “MENA”nıñ xäbärenä qarağanda, liga İzrailneñ Ğazzä sızığı, Yordannıñ könbatış yarı häm Äl-Aksa mäçetendä Fälästin xalqına qarata agressiyä häm genośidnıñ däwam itüen ğayepläde. İzrail armiyäseneñ Räfax şähärenä höcüm niyäteneñ Fälästin xalqına qarata tağın ber qanqoyış bulaçağı xaqında kisättelär.

Ğaräp ligası BMO İminlek şurasınıñ İzrailneñ utnı tuqtatuın häm Ğazzägä gumanitar yärdäm kertüne garantiyäläwen teläde.

Utırışta Fälästinne BMOğa tulı äğ’za itep alu qararına AQŞnıñ veto quyuın da ğayeplädelär.

İzrailneñ 7nçe oktyabr’dän birle Ğazzä sızığına höcümnärendä kimendä 14 meñ 685 bala, 9 meñ 670 xatın-qıznı kertep barlığı 34 meñ 262 fälästinle üterelde. Yaralanuçılar 77 meñ 229.