Äfganstandağı däwlät universitetları yaqında açılaçaq
Alarnıñ bügengä qadär yabıq buluınıñ säbäbe iq’tisadi problemalar belän bäyle
Yaqında Äfganstandağı däwlät universitetlarınıñ açılaçağı belderelde.
Taliban waqıtlıça xökümätenñ yuğarı belem birü ministrı urınbasarı Şäyex Abdulbaki Xakkani Äfganstan başqalası Qabuldağı matbuğat konferenśiyäsendä däwlät universitetlarınıñ bügengä qadär yabıq buluınıñ säbäbe iq’tisadi problemalar belän bäyle dip añlattı.
Ul iq’tisadi problemalarnıñ tizdän çişeläçägen, däwlät yuğarı uqu yortlarında uqıtunıñ yañadan başlanaçağın äytte.
İl külamendä 40 däwlät häm 150 şäxsi universitet barlığın beldergän Xakkani şäxsi universitetlarda belem birüneñ däwam itüen citkerde.
Xakkani bilgeläp ütkänçä, alar ildäge barlıq uqu yortların standartlaştırırğa häm mäğarif sistemasın başqa illär belän köndäşlek itä alırlıq xälgä kiterergä telilär.
Xakkani äytüençä, qayber illär Äfganstandağı yuğarı belem sistemasına bulışırğa häm studentlarğa stipendiyälär birergä wäğ’dä birgännär.
Äfganstandağı universitetlar Kovid -19 êpidemiyäse arqasında Taliban uzğan yıl avgust ayında il konterolen üz qulına alğançı yabılğan ide.
Taliban Äfanstannı üz qulına alğannan soñ şäxsi univesitetlar 2021 nçe yılnıñ sentyabrendä üz êşçänleklären başlap cibärde, ä däwlät universitetları açılmadı.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
