Çirkäw keşelär östenä işelde

Nigeriyanıñ Del’ta töbägendä 3 qatlı çirkäwneñ işelüe näticäsendä, berençel mäğ’lümatlarğa qarağanda, 10 keşeneñ ğomere özelde.

Del’ta sälamätlek saqlaw komissarı, tabib Onone Mordi beldergänçä, cimereklär astınnan 10 keşeneñ cäsäde çığarılğan, 8 keşene qotqarğannar.

Cirlektä êzläw-qotqaru êşläre däwam itä. Yaralılar tabiblar qulına tapşırılğan. Wäqalätlelär ülüçelär sanınıñ artaçağına borçıla. Çönki çirkäw işelgändä anda 50dän artıq keşeneñ buluı açıqlanğan.