Bina şartladı: cimereklär astında kimendä 20 keşe bar
Qıtayda ber aşxanädä töşke aş waqıtında şartlaw tawışı yañğırıy
1759022
Qıtaynıñ Ulun töbägendä ber binada şartlaw buldı. 20dän artıq keşeneñ cimereklär astında qaluın belderälär.
Şinxuanıñ xäbärenä qarağanda, şartlaw Çunśin şähärendä cämäğat’ binasınıñ aşxanäsendä töşke säğat’lärdä bula. Wäqalätlelär anıñ gaz sarquı arqasında kilep çığuın farazlıy.
Şartlaw binanıñ ber öleşen cimerä. Älege mizgeldä aşxanädä töşke aşqa kilüçelär bula. Kimendä 20 keşeneñ cimereklär astında qaluın uylıylar. Yaralılarnıñ sanı bilgele tügel. Alarnı xastaxanälärgä iltälär. Şartlaw urınında êzläw-qotqaru êşläre däwam itä.
