Tanzaniyada yañğır qorbannarı

Tanzaniyada köçle yawım-töşemnär kiterep çığarğan su basularda 155 keşeneñ ğomere özelde, yaralanuçılar - 236. Xökümät räise Kassim Majaliva parlamentta yasağan çığışında tabiğıy afätneñ qorbannarı häm zıyanı turında citkerde. Yawım-töşem 26 töbäktä 200 meñ keşegä täêsir itkän, 10 meñ yort zarar kürgän.

Su basular arqasında qayber mäktäplär, yullar, küperlär häm sälamätlek saqlaw ob’yektları cimerelgän. Hälaq buluçı mal-tuarnıñ da küp buluı belderelä.  

Tanzaniya meteorologiyä oyışması köçle yawım-töşemneñ kiläse ayğa qadär däwam itäçägen citkerä.