BMO: “Ukrainağa qarşı xärbi xäräkät kürergä telämibez”
Berläşkän Millätlär Oyışması Ukrainağa qarşı xärbi xäräkät kürergä telämäwen belderde
BMO Ğomum särkätibe süzçese Stefan Dyujarrik köndälek matbuğat brifingında Amerika Quşma Ştatları İlbaşı Djo Bayden häm Rusiyä xezmättäşe Vladimir Putin arasındağı yuğarı däräcäle söyläşü belän ber rättän Rusiyä-Ukraina mäs’äläsendäge êlemtälärne qanäğät bulıp qarşılawların äytte.
Rusiyä häm Ukraina arasında artqan kiyerenkelekneñ borçılırlıq buluına basım yasawçı Dyujarrik: "Qaydan ğına bulmasın Ukrainağa qarşı teläsä qaysı doşmança xärbi xäräkät kürergä telämibez”, - dip belderde.
Dyujarrik kiyerenkelekneñ azaytıluı öçen dialognıñ däwam itelüen teläwlären citkerde.
Rusiyäneñ Ukraina çige buyında soñğı aylarda xärbi köçen arttıruı Rusiyäneñ Ukrainanı basıp alaçağı borçıluların häm Könbatış belän Mäskäw arasındağı kiyerenkelekne arttırdı.
Kiyerenkelekne kimetü çaqıruları häm şuşı yünäleştäge söyläşülär däwam itkän çaqta Rusiyä belän Amerika Quşma Ştatları häm NATO arasında kiläse atnada iminlek garantiyäläre dä quzğatılaçaq söyläşülärneñ ütkärelüe planlaştırıla.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
