Prinśessa belän tanışırğa telägän

Yaponiyädä İmperator sarayına qaçıp kergän şöbhäle poliśiyädä soraw aluda 20 yäş’lek prinśessa Aiko belän tanışırğa teläwen äytte. Ul kiçä saraynıñ Xirakawa-mon kerü qapqasınnan ürmäläp işegaldına ütä. Qaçaqnı iminlek köçläre kürep ala häm poliśiyä çaqıra.

Tokio poliśiyäse 56 yäş’lek şöbhäleneñ isemen beldermi. Ul imperator Naruxito belän imperatriśa Masakonıñ berdänber balası bulğan prinśessa Aikonı kürergä häm anıñ belän tanışırğa teläwen citkerä.  

Uzğan ğıynvar ayında da Yaponiyädä imperator Naruxito häm ğailäse yäşi torğan saraynıñ êçendäge rezidenśiyä kompleksına röxsätsez kergän beräwne êläktergännär ide. Köçle saq çaraları kürelgän sarayğa ütä alğan 29 yäş’lek keşene 2 säğat’tän soñ ğına kürep alalar. Ul imperator ğailäsendägelär belän tanışırğa teläwen äytä.