"Min ut açmadım"

AQŞta fil’m töşergän waqıtta operator Galina Xatçinsnıñ yaqtı dön’yadan kitüenä säbäpçe bulğan aktyer Alek Bolduin qoraldan ut açmawın äytte.

Baldvin 21nçe oktäbr’ könge waqıyğadan soñ berençe tapqır interv’yu birep, ABC televideniyesenä Xatçinsnı ütergän qoralnıñ anıñ qulında bulmawın belderde.

N’yu Meksiko ştatında fil’m töşergän waqıtta barlıqqa kilgän faciğa belän bäyle Djordj Stefanopolosnıñ sorawlarına cawap birgändä yılağan Bolduin: “Kurokka min basmadım. Berkemgä dä qoral töbämäm min,” – dide.

Aktyer çın pulyanıñ fil’m töşergän urınğa niçek kilüen häm qoralda ni êşeneñ buluın belmäwen citkerde.

“Barlıqqa kilgännärgä haman da ışana almıym. Çınbarlıq tügel kebek,” – dide ul.

Monnan alda AQŞ matbuğatına çağılğan xäbärlärdä Bolduin qullanğan qoralnıñ yärdämçe rejissyer Deyv Xols tarafınnan birelüe belderelgän ide.