“Boko Xaram” terror oyışmasınıň meñlägän äğ’zası üz teläge belän birelgän

Nigeriyädä “Boko Xaram” terror oyışmasınıň 14 meň 500 dän artıq äğ’zası üz teläge belän birelgän.

Bu xaqta Nigeriya ilbaşı idaräse süzçese Garba Şexu belderä.

Anıň äytüençä, il soňğı waqıtlarda terror oyışmaları belän köräştä zur uňışlarğa ireşkän.

Garba Şexu ildä cinayät’lär artu säbäple xökümätneň yaňa poliśiya iniśiativası başlatıp cibärüen iskärtte.

Soňğı yıllarda ütkärelgän opraśiyälärgä qaramastan, “Boko Xaram” terror oyışması Afrikanıň iň küp keşe yäşägän ile Nigeriyädä citdi qurqınıçsızlıq probleması tudıra.

Nigeriyӓdӓ 2000 nçe yıllardan başlap höcümnӓr başqarğan “Boko Xaram” terror oyışmasınıň 2009 nçı yıldan birle massakülӓm qırıslıq waqıyğalarında 20 meňnӓn kübrӓk keşeneň ğomere özelgӓn.