Här yıl ber doza citärlek

Biontex şirkätenä nigez saluçılarnıñ berse, professor Uğur Şaxin koronavirus vakśinasın grippnıqı şikelle yılda ber tapqır qadatunıñ citärlek bulaçağın belderde. Mediśina belgeçe Germaniyäneñ "Bild am Sonntag" gazetına interv’yusında soñğı waqıtta başlanğan öçençe doza xaqında mäğ’lümat birde. Anıñ äytüneçä, bu azala başlağan antitänçeklärne qabat kübäytäçäk häm monnan aldağı ike dozadan tağın da ozağraq waqıt täêsirle bulaçaq.  

Uğur Şahin üz şirkäte Biontex uylap tapqan Kovid-19 vakśinasınıñ köçe qadağannan soñ 4 ay uzğaç kimi başlawın äytte. Şulay da, küptän tügel uzğan klinik tikşerenülärneñ näticäsenä qarağanda, vakśina çirne awır räweştä uzdırudan 9 ayğa qadär saqlıy.

Şahin interv’yusında xäterlätü (buster) dozaların da yasatunı kiñäş itte. Bu awırudan da saqlıy, yaña yoqtıru çılbırı barlıqqa kilüne dä çikli. Monnan tış, awır uzuı kötelüçe qış fasılında kizü belän köräşkä öleş kertäçäk.