Hawa pıçraqlığı arqasında uqular tuqtatıla

Hindstan başqalası Yaña Dählidä hawa pıçraqlığı arqasında uqular tuqtatıldı. Bu turida häm kürelgän başqa çaralar xaqında şähär xökümäte räise Arvind Kejrival söyläde. Ul ğadättän tış xälgä oxşaş wäzğıyät’ kilep tuuın äytte.

“Mäktäplär ber atna yabıq bulaçaq häm däreslär onlayn uzaçaq,”-dide Arvind Kejrival.

Ul tözeleş êşçänlekläreneñ dä 14nçe noyabr’dän 17senä qadär tuqtatılıp toruın assızıqladı. Däwlät oyışmalarında êşläwçelär ber atna buyı öydän torıp êşli.

Kejrival hawa pıçraqlığı säbäple Yuğarı mäxkämägä başqalada komendant säğate kertü täq’dime yasayaçaqların, şartlar tağın da naçaraysa, östämä çikläwlär ğamälgä keräçägen belderde.