Äfğanstanda şiğıy mäçetenä bombalı höcüm
Şiğıylärgä qarağan mäçetkä höcüm comğa namazı waqıtında yasalğan
Äfğanstanda “Taliban”nıñ nığıtması bularaq belengän kön’yaqtağı Qandahar vilayätendä urnaşqan şiğıy cämäğäteneñ Fatımiyyä mäçetenä ike intixar bombacısı oyıştırğan höcümdä kim digändä 36 keşe ülgän, 200dän kübräk keşe yaralanğan.
Mäçetneñ iminlek wazıyfalısı Murtaza Zarifi birgän mäğ’lümatkä kürä, vilayät üzägendä urnaşqan mäçetkä comğa namazı waqıtında bombalı höcüm oyıştırılğan.
Höcümdä kim digändä 30 keşeneñ häläq buluı häm 200dän kübräk keşeneñ yaralanuı belderelde.
“Taliban” köçläre höcüm yasalğan mäçetkä alıp baruçı böten yullarnı yapqan.
Uzğan atnada ilneñ tön’yağındağı Kunduz vilayätendä urnaşqan häm şulay uq şiğıylärgä qarağan mäçetkä höcüm yasalğan, waqıyğada 46 keşeneñ ğomere özelgän ide.
Höcüm öçen cawaplılıqnı “DEAŞ” terror oyışması üz östenä alğan ide.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
