Köl'nda azan äytü röxsät itelde
Germaniyäneñ älege zur şähäre möselmannarnıñ küp yäşäwe belän bilgele
Germaniyädä törek häm möselmannar küp yäşi torğan Köl’n şähärendä tawış köçäytkeçtän comğa azanın äytü röxsät itelde. Bu xaqta qalanıñ mêrı Genriyetta Reker belderde. Ul älege qararnı küpçelekneñ sorawı buyınça çığaruların citkerde. Mêr äytkänçä, başta 2 yıllıq proyekt qısalarında şähärlärdä bilgele qağıydälär nigezendä azan uqıla alaçaq.
Reker, konstituśiyädä bilgelängän din iregen xäterlätep, älege proyektnıñ “ber-berebezneñ inanuların qabul itü” simvolı buluın söyläde.
“Möselman yaqtaşlarıbız şähärebezneñ ayırılğısız öleşe. Qalada çirkäw çañnarı belän bergä azan tawışı işetelü Köl’ndä törlelekkä yul quyılun häm bu törlelekneñ biredä çäçäk atuın kürsätä,”-dide mêr.
Germaniyädä barı tik Törek islam diniyä berlegenä bäyle 900dän artıq mäçet bar.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
