Comğa namazında - şartlaw

Äfğanstannıñ tön’yağındağı Kunduz töbägendä Sayed Abad cirlegendä ber mäçettä bulğan bombalı höcümdä 100dän artıq keşeneñ ğomere özelde.

Taliban süzçese Zabidullax Mücahid beldergänçä, ğıybadätxanä şiğıylärneke. Bomba comğa namazı waqıtında şartlıy.

Mücahid höcümdä üle häm yaralılarnıñ küp buluın citkerde. Taliban köçläre töbäkkä kitkän häm waqıyğanı tikşerä.

Xastaxanä xezmätkärläre ülelärneñ sanınıñ 100dän artuın belderä.

Waqıyğanıñ şahitläre canlı bomba buluın söyli.

Älegä höcüm öçen cawaplılıqnı üz östenä aluçı yuq.

Äfğanstanda êlegräk şiğıylarğa qarata höcümnärneñ kübesen DEAŞ oyıştıra ide.