Donbassta separatistlarnıñ höcümendä Ukraina ğaskäriye ülgän
Ukrainanıñ könçığışındağı Donbass töbägendä separatistlar açqan ut näticäsendä Ukraina ğaskäriye häläq bulğan
Ukraina qorallı köçlärennän yasalğan belderüdä tön urtasınnan birle separatistlarnıñ 3 tapqır utnı tuqtatunı bozuı äytelde.
Separatistlarnıñ Donbassnıñ Papasna, Kamyanka häm Novotoşkovska töbäklärendä ut açuı citkerelgän belderüdä höcümnär näticäsendä ber Ukraina xärbiyeneñ häläq’ buluı iskärtelep uzıldı.
Başqala Kievta ul çaqtağı İlbaşı Viktor Yanukoviçnıñ Awrupa Berlege urtaqlıq kileşüenä qul quymawı arqasında 2013nçe yılnıñ 21nçe noyabr’ könne uram cıyınnarı başlağan ide.
Yanukoviç rizasızlıq çaralarınıñ artuınnan soñ 2014nçe yılnıñ fevral’ ayında ildän qaçıp kitkäç, könçığıştağı Donbass töbägeneñ Doneśk häm Lugansk şähärlärendä Rusiyä yaqlı separatistlar güya bäysezleklären iğ’lan itkän ide.
Separatistlar belän Kiev citäkçelege arasında 2014nçe yıldan birle xökem sörgän bäreleşlärdä 13 meñnän kübräk keşeneñ ğomere özelgän.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
