AQŞta ülemçel yañğırlar

AQŞnıñ könçığıştağı ştatı Tennesida köçle yawım-töşem kiterep çığarğan su basularda 10 keşeneñ ğomere özelde, 31 keşe yuqqa çıqtı.

CNNnıñ xäbärenä qarağanda, ştatnıñ küp kenä töbägendä köçle yañğırlar su basu häm taşqınnarğa säbäpçe buldı.

Xanfris poliśiyä idaräse başlığı Kris Dêvis beldergänçä, su basularda ülgän 10 keşeneñ 2se bala. Yuqqa çıqqan 31 keşene êzläw däwam itä.

Su basulardan zarar kürgän rayonnarğa boralaqlar häm yärdäm törkemnäre cibärelgän.

AQŞ garasatlar üzäge Atlantik okeanda barlıqqa kilgän häm köçe 1nçe kategoriyägä qadär üskän Genri dawılınıñ säğatenä 120 çaqrım tizlek belän ilneñ könçığış yarına taba yaqınlaşuın iğ’lan itkän ide.