Bıyılnıň 6 ayında Äfganstanda tınıç xalıqtan 1 meň 659 keşeneň ğomere özelgän
Bu xaqta BMOnıň Äfganstanğa yärdäm missiyäse xäbär itä
2021 nçe yılnıň berençe yartısında Äfganstanda tınıç xalıqtan 1 meň 659 keşeneň ğomere özelgän.
Bu xaqta Berläşkän Millätlär Oyışmasınıň Äfganstanğa yärdäm missiyäse belderä.
Anıň belderüendä äytelgänçä, bıyılnıň 6 ayında tınıç xalıqtan 3 meň 254 keşe cäräxätlängän.
Tınıç xalıq ülemnäre uzğan yılnıň şul uq çorı belän çağıştırğanda 47%qa kübräk.
BMOnıň Äfganstanğa yärdäm missiyäse belderüendä assızıqlanğança, iň küp qorbannar may häm iyün’ aylarında çit il köçläre ildän kitä başlağaç terkälgän.
Bu aylarda tınıç xalıqtan 783 keşeneň ğomere özelgän, 1 meň 609 keşe yaralanğan.
Äfganstanda tınıçlıq barışı bilgesez bulıp qala birä, qurqınıçsızlıq köçläre belän Taliban arasındağı köçle bäreleşlär däwam itä.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
