Kaliforniyada urman yanğınnarı däwam itä

AQŞnıň Kaliforniya ştatınıň könçığış çigendä törle urınnarda yanğınnar däwam itä.

Alarnı  könnär buyı  sünderergä tırışalar. Yanğında küp sanda yort zıyan kürgän, 20dän kübräk öy kölgä äwerelgän.

Kaliforniyanıň Plumas, Al’fin, Butt häm Lassen, Nevada ştatınıň Duglas töbäklärendä ğadättän tış xäl iğ’lan itelgän.

Oregon ştatındağı Butleg yanğını 19 kön däwam itä.

Yanğın sünderüçelär biredäge yanğınnıň zur külämdä kontrol’ astına alınuın, läkin utnıň haman da meňlägän yortqa qurqınıç tudırun belderä.

Montana ştatında yanğınnı 17 kön buyı sünderä almıylar. Alder Grek yanğınında yaqınça 3 meň gektar mäydan häm 200 dän kübräk yort zıyan kürgän.

Amerika Quşma Ştatları 88 yanğın belän köräşä, alarnıň 6 sı zur yanğın. Älege yanğınnar yaqınça 553 meň gektar urmanğa zıyan kitergän.