Ğıyraqta rizasızlarğa ut açtılar
İl xalqı 50 gradustan artıp kitkän êsselektä êlektr özülärgä qarşı çığa
Ğıyraq iminlek köçläre ilneñ kön’yağındağı Vasıt töbägendä êlektr özekleklärenä protest belderüçelärgä qarşı köç qullandı. Näticädä 4 keşe yaralandı.
Vasıtta ut betülär küptännän däwam itä. Yözlärçä keşe moña rizasızlıq belderep êlektr stanśiyäse qarşında cıyıla. İminlek köçläre qoralsız demonstrantlarğa ut aça.
Waqıyğanıñ şahitläre 4 keşeneñ yaralanuın, 3seneñ awır yaralar aluın belderä. Alarnı xastaxanägä iltkännär.
Ğıyraq êlektr ministrı Mäcit Mäxdi Xantuş uzğan çärşämbä ut özelülär säbäple protestlar artqaç êşennän kitte.
Hawa temperaturası yaqınça 50 gradus cılılıqqa citkän ildä xalıq êsselek belän berrättän daimi räweştä êlektrnı özep quyular belän köräşä.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
