M’yanmada ülüçelär 753kä citkän
M’yanmada xärbi tüntäreleşkä häm saylanğan xökümät äğ’zaläreneñ qulğa alınuına qarşı ütkärelgän rizasızlıq çaralarında iminlek köçläreneñ qorallı qatışuı näticäsendä ülüçelärneñ sanı 753kä citkän
Säyäsi totqınnarğa yärdäm oyışmasınıñ köndälek xisabında ildä soñğı täwlektä tağın 2 keşeneñ häläq buluı citkerelde.
Tuplam ülüçelär sanı 753 bularaq yañartılğan bulsa, 3 meñ 441 keşeneñ saq astında totıluı belderelde.
Ber meñ 179 keşe xaqında isä qulğa alu qararınıñ buluı iskärtelep uzıldı.
Şul uq waqıtta tüntäreleşkä qarşı bulğan êtnik qorallı törkemnärdän “Karen milli berlege” (KNU) M’yanma ğaskäreneñ ilneñ kön’yağında Tayland çige buyında urnaşqan xärbi bazasın üz kontrolenä alğan.
Berlektän yasalğan belderüdä cirle waqıt belän säğät’ 04:30da Karen vilayätenä bäyle Mutraw töbägendä urnaşqan xärbi bazağa xäräkät oyıştırıluı äytelde.
Bäreleşlär näticäsendä bazanıñ basıp alınuı citkerelgän belderüdä ülüçelär bulğanmı, yuqmı ikänlege turında mäğ’lümat birelmäde.
