Su astı köymäsendäge 53 keşe ülde

İndoneziya wäqalätleläre 21nçe aprel’dä yuqqa çıqqan su astı korabındağı 53 keşeneñ ülüen belderde.

İlneñ qorallı köçläre komandirı Mareşal Xadi Tjaxjanto köymäneñ Bali utrawı tiräsendä batuına dälillär tabıluın citkerde.

Xärbi wäqalätlelär su astı korabındağı kislorod zapasınıñ bügen irtänge säğat’lärdä betüen häm êkipajdağı keşelärneñ isän buluına ömet qalmawın äytte.

“KRI Nanggala-402” dip ataluçı submarina belän 21nçe aprel’dä êlemtä özelgän ide. Anıñ Bali utrawına 95 çaqrım yıraqlıqta yuqqa çığuı belderelde. İndoneziya flotı yuğalğan korabnı êzläw öçen töbäkkä 6 xärbi köymä, 1 boralaq häm 400 xezmätkär cibärde.

Yuqqa çıqqan submarina bulğan urında neft’ tapları barlığı kürende.