M’yanmada ülüçelär arta
M’yanmada xärbi tüntäreleşkä häm saylanğan xökümät äğ’zaläreneñ qulğa alınuına qarşı ütkärelgän protest çaralarında iminlek köçläreneñ qorallı qatışuı näticäsendä ülüçelärneñ sanı 710ğa citkän
Säyäsi totqınnarğa yärdäm oyışmasınıñ könlek xisabında soñğı täwlektä tağın 4 keşeneñ häläq buluı citkerelde.
Tuplam ülüçelär sanı 710 bularaq yañartılğan bulsa, 3 meñ 80 keşeneñ saq astında totıluı iskärtelep uzıldı.
Xisapta tüntäreleşkä qarşı bulğan 697 keşe xaqında qulğa alınu qararınıñ buluı belderelde.
Xäzergä çaqlı ğomere özelüçelärneñ 50seneñ bala buluı citkerelde.
Şul uq waqıtta M’yanma ğaskäreneñ protestçılarğa qorallı qatışuı näticäsendä kim digändä 82 keşe ülgän Bago şähärendä küp sanda grajdan zatlar öylären taşlap kitte.
M’yanma matbuğatına açıqlawlar yasawçı aktivistlar 10nçı aprel’dä M’yanma armiyasınıñ tınıç xalıqqa qarşı qan qoyışınnan soñ yaqınça 100 meñ keşeneñ öylären taşlap şähär yanındağı awıllarğa sıyınuın citkerde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
