Kovid-19 çorında üle balalar küp tudı

Koronavirus kizüe çorında dön’yada balalarnıñ üle tuu häm awırlı xatın-qızlarnıñ wafat bulu oçraqları artqan. 17 ildä 40lap tikşerü ütkärelgännän soñ, belgeçlär şundıy näticägä kilä. Uramğa çığudağı çikläwlär, akuşer xezmätlärendä kiçegülär häm mediśina ob’yektlarına barudan tayçınu yöklelek belän bäyle risklarnı arttıra.

Tikşerenü üle tuuçı balalarnıñ häm awırlı xatın-qızlarnıñ ğomerläre özelü däräcäseneñ öçtän ber öleşkä artuın kürsätä. Kovid-19 kizüe yöklelär häm sabıylarnıñ ruxi xalätenä dä naçar yoğıntı yasağan. Pandemiyä çorında bala tudırudan soñğı depressiyä häm ana bulu borçularınıñ artuı küzätelgän.

Londondağı İzge Djordj universitetı professorı Äsma Xalil bolay dip söyli: “Kovid-19 kizüeneñ sälamätlek saqlaw sistemasına zararı zur buldı. Pandemiyä, bigräk tä, az häm urtaça keremle illärdä analarnıñ da, bäbäylärneñ dä buldırmıy qaluı mömkin bulğan ülemnärenä kiterde”.