Alabamada öyermä afäte

Amerika Quşma Ştatlarınıñ Alabama ştatında barlıqqa kilgän öyermälärdä kim digändä 5 keşeneñ ğomere özelde.

Milli Meteorologiya xezmäte ştatta 7 öyermäneñ küzätelüen belderde.

Kalxun Poliŝiya şefı töbäklärennän uzğan öyermädä kim digändä 5 keşeneñ yaqtı dön’yadan kitüen, öy häm binalarnıñ da zıyan kürüen äytte.

Birmingem töbäge Milli Meteorologiya xezmäte dä Twitterda xalıqnı öyermägä qarşı kisätte.  

Pelxêm şähärendä 30-50 bina öyermädän zıyan kürde, öylärneñ tübäläre oçtı, ağaçlar häm êlektr bağanaları cimerelde.

Alabamada 17 meñnän artıq binada ut bette.

Alabama gubernatorı ştatnıñ tön’yağındağı 4 töbäktä öyermä qurqınıçınıñ däwam itä alaçağın kisätep, watandaşlarnı kiräkle çaralarnı kürergä çaqırdı.