Papa öyenä qaytıp kitte
Rim papasınıñ Ğıyraqqa 3 könlek säfäre bügen tögällände
1597304
Katoliklarnıñ ruxani liderı papa Franśisk Ğıyraqtağı räsmi säfären tögälläp İtaliyägä qaytıp kitte. Anı Xalıqara Bağdad aêroportınnan räsmi xuşlaşu tantanası belän ozattılar.
Papanı Ğıyraq ilbaşı Bärxäm Salix oçqıçqa qadär ozatıp bardı. Ruxaninıñ kilgändä dä, kitkändä dä Ğıyraq hawa yulları oçqıçın qullanuı iğ’tibarnı cälep itte.
Franśisk 3 könlek programmasında Bağdad, Näcäf, Nasiriyä, Ärbil häm Musul şähärlärenä säfär qıldı.
Bu säfär şunısı belän üzençälekle: tarixta täwge tapqır Rim papası Ğıyraqqa bardı.
