Turistlar ğalämgä oça
2022dä ğalämgä säyäxät itäçäk yulçılar açıqlandı
Amerika Quşma Ştatlarınıñ X’yuston ştatında urnaşqan ğaläm turizmı şirkäte Axiom Space 2022 yılnıñ ğıynwarında Xalıqara Ğaläm Stanŝiyasenä säyäxät itäçäk yulçılarnı açıqladı.
NASAnıñ êlekke astronavtı bulğan şirkätneñ başlıq yärdämçese Maykl Lopez-Alegria liderlığında uzaçaq säyäxättä 71 yäş’lek Amerikalı êşquar Lêrri Konnor, 51 yäşendäge Kanadalı investor Mark Pêti häm 63 yäş’lek İzraille êşmäkär häm êlekke xärbi pilot Êytan Stibbe urın alaçaq.
Säyäxät öçen 55 million dollar tüliyäçäk 3 turisttan Lêrri Konnor Ax-1 ğaläm säfärendä pilot, Mark Pêtti häm Êytan Stibbe êkipajda maxsus missiya wazıyfasın başqaraçaq.
Axiom Space berençe ğaläm turistlarınıñ cirdäge tikşerenüçelär öçen törle yärdäm proyektları başqaraçağın açıqladı.
Axiom Space turistik ğaläm säfärendä Êlon Masknıñ SpaceX şirkäteneñ Falon 9 raketası häm Crew Dragon ğaläm kapsulasın qullanaçaq.
NASA Axiom Spacenıñ Xaıqara Ğaläm Stanŝiyasendä qunaqxanä töziyäçägen citkergän ide.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
