Prinś Garri belän Megan Markl sośial’ medianı taşladı

Böyekbritan patşabikäse Yelizaveta 2nçeneñ onığı Sasseks gerśogı, prinś Garri belän xäläl cefete Megan Marklnıñ, näfrät süzläre arqasında, sośial’ medianı taşlawı belderelä.  

“Times” gazetınıñ xäbärenä qarağanda, prinś belän gerśoginyağa yaqın beräw ozaq waqıt berni belän urtaqlaşmağan parnıñ sośial’ mediağa kire qaytu ixtimalınıñ bik az buluın belderde. İkeleneñ, monnan tış, Arçvell waqıfı öçen dä sośial’ medianı qullanırğa uylamawı citkerelde. Par uzğan yıl patşalıqtağı wazıyfalarınnan baş tartqan ide.

“Times” xäbärendä äytelgänçä, prinś Garri belän xatını Twitter häm Facebook şikelle sośial’ media platformalarında üzlärenä qarata “näfrät” söyläme arqasında küñel töşenkelegenä duçar bulğan. Alarnıñ Instagramdağı "sussexroyal" säxifäsennän dä soñğı tapqır 30nçı martta nider urtaqlaşılğan.

Megan Markl Bötendön’ya psixik sälamätlek köne uñayınnan birgän ber interv’yusında 2019nçı yılda “dön’yada iñ nıq trol’längän keşe” buluın äytte häm bu höcümnärne “tüzep bulmaslıq” dip atadı.  Prinś Garri da monnan alda sośial’ medianıñ näfrät krizisı, sälamätlek krizisı häm xaqıyqat’ krizisı tudırırğa yärdäm itüen äytkän ide.

Qara tänle ana häm aq tänle atadan tuğan Megan Markl sośial’ mediada bik yış rasaçıl höcümnärgä duçar bula.