SpaceX Starlink космоско 22 спутник жөнөттү

Космос чөлмөгү жана ракета өндүрүүчүсү SpaceX Starlink интернет тармагы долбоорунун алкагында космоско 22 спутник жөнөттү.

«Space.com» сайтынын кабарына караганда, SpaceX АКШнын Калифорния штатындагы Ванденберг космостук күчтөрү базасынан Starlink спутниктерин ташыган Falcon 9 ракетасын төмөн орбитага учурду.

Falcon 9 ракетасынын биринчи баскычы учурулгандан кийин Тынч океандагы "Of Course I Still Love You" платформасына конду.

SpaceXтин социалдык медиа платформасы X эсебиндеги билдирүүсүнө караганда, Falcon 9 тарабынан ташылган 22 спутник Starlink долбоорунун алкагында орбитага чыгарылды.

Видеосу X сайтында бөлүшүлгөн учуруу SpaceXтин 2024-жылдагы 26-миссиясы болгон.

SpaceX Starlink долбоорунун алкагында бүткүл дүйнө жүзү боюнча интернетке кирүүнү камсыз кылууну көздөйт.