Желим бөтөлкөлөрдөгү суу адамдын ден соолугу үчүн коркунучтуу

Бир литрлик желим бөтөлкөдөгү суудан адамдын клеткаларын бүтөөчү 240 миңге жакын "нанопластика" табылды.

The Hill гезитинин жазганына караганда, Колумбия университетинин изилдөөчүлөрү жаңы лазердик көрүнүш ыкмасы менен желим бөтөлкөлөрдөгү нанопласттарды иликтешти.

Изилдөөчүлөр бир литрлик желим бөтөлкөдөгү сууда болжол менен 240 миң нанопластика бар экенин аныкташты.

Изилдөөчүлөрдүн бири Бейжан Ян, пластмассанын көлөмү азайган сайын коркунучтун артканын, анткени бөлүкчөлөрдүн көлөмү азайган сайын адамдын денесине кирүү мүмкүнчүлүгү көбөйөрүн белгиледи.

Желим бөтөлкөлөрдөгү суудагы пластик бөлүкчөлөрүнүн кан-мээ тосмосунан өтө турганчалык кичинекей экенин билдирген Ян, мунун илгерилеген жаштарда мээнин кээ бир бөлүктөрүндө клеткалардын жоголушуна себеп болушу мүмкүн экенин айтты.

Ян ошондой эле бул кичинекей пластмассалар "канга өтүп, клеткаларга жеткен соң органдар өз функцияларын жоготуп коюшу мүмкүн" деп баалады.

Бул пластмассалардын денеге ичүүчү суу аркылуу киргени үчүн тез таасир көрсөткөнүн ойлошкон изилдөөчүлөр, кичинекей пластиктердин ичегидеги тамакты сиңирүүгө жардам берген микробдорго таасир этиши мүмкүн экенин айтышты.

Ошондой эле пластмассалардын өлүмдүн көбөйүшү жана тубаса кемтиктер сыяктуу ден соолукка коркунуч келтириши мүмкүн экени кабарланды.

Изилдөөчүлөр бул пластмассалар таңгактагы материалдардан бөлүнүп чыгат же сууну өндүрүү учурунда пайда болот деп ойлошот.

Экинчи жагынан адамдардын кайсы пластмассаларды жутуп, денеге кандай өлчөмдө жана канча пластик кирери азырынча белгисиз.

Изилдөө "Proceedings of the National Academy of Sciences (PNAS)" журналында жарыяланды.