Орусия Айга кеме жиберди
Орусиянын Федералдык космос агенттиги (Роскосмос) кечээ борбор Москвадан болжол менен 5500 километр чыгышта жайгашкан Восточный космодромунан Луна-25 космостук кемесин ташыган Союз 2.1в ракетасын учурду.
Орусия 1976-жылдан бери биринчи жолу Айга кеме жиберди.
Орусиянын Федералдык космос агенттиги (Роскосмос) кечээ борбор Москвадан болжол менен 5500 километр чыгышта жайгашкан Восточный космодромунан Луна-25 космостук кемесин ташыган Союз 2.1в ракетасын учурду.
Ийгиликтүү учурулгандан кийин учуу орбитасына чыккан Луна-25тин Айдын түштүк уюлуна 21-августта конушу жана бир жылга жакын созула турган миссиясын баштоо пландалууда.
Негизги миссиясы Айда суу булагын табуу болгон «Луна-25» космостук нурлардын жана электромагниттик эмиссиялардын Айдын бетине тийгизген таасирин да изилдейт.
Роскосмостун президенти Юрий Борисов учурулгандан кийин жасаган билдирүүсүндө Луна-25тин Айга тынчтык максатта жөнөтүлгөнүнө басым жасап, 2027, 2028 жана 2030-жылдары Айга космостук аппараттарды жиберүүнү пландагандарын айтты.
Кытай менен Айда орток долбоорлорду да ишке ашыра тургандарын белгилеген Борисов: «Биз Кытайдан келген кесиптештерибиз менен кийинки этапты баштайбыз, тактап айтканда, адам башкарган миссия жана Ай базасын куруу»,-деп айткан.
Тектеш кабарлар
Т-рекс тибиндеги динозаврлар ойлогондой акылдуу эмес
Бул тууралуу изилдөөнүн жыйынтыгы "The Anatomical Record" журналында жарыяланды.