Түркиялык академик 40ка жакын ооруну эрте аныктоочу биосенсорду ойлоп тапты

Түркиялык академик 40ка жакын ооруну эрте аныктоочу биосенсорду ойлоп тапты.

Газиантептеги Хасан Калёнжу университетинин Саламаттыкты сактоо илимдер факультетинин окутуучусу, профессор доктор Мехмет Лүтфи Йола 40ка жакын оорунун эрте диагностикасы үчүн эң көп 15 мүнөт ичинде тез маалымат берген экологиялык таза биосенсорду иштеп чыкты.

Йола ооруканалардагы арыздарда ийгиликтүү жыйынтыктарга жетишти жана экологиялык материалдарды колдонуу менен даярдаган биосенсорлор үчүн патент алуу үчүн Түркиянын Патент жана соода маркасы мекемесине кайрылды.

Ал иштеп чыккан биосенсорлордун нано деңгээлдеги кан, заара жана дене суюктугун өлчөө аркылуу ооруларды бир топ кыска убакытта аныктай алаарын белгилеген Мехмет Лүтфи Йола мындай деп улантты: «Биздин биосенсорлорубуздун эң маанилүү артыкчылыгы - алар эрте диагноз коюуга мүмкүндүк берет, биз сигналды тез жаратуу жана жооп берүү процессин аткара алабыз. Учурдагы биосенсорлор эң эрте 1 күндө жыйынтык берет, бул убакыт бир жумага чейин жетиши мүмкүн. Биз муну максималдуу түрдө колдонобуз. Сенсорлор канга же заарага тийгенде 15 мүнөттөй кыска убакыттын ичинде аныктай алабыз».

Йола адамдын ден соолугуна жана айлана-чөйрөгө зыяны жок, жүрөк пристубу жана өпкө рагы коркунучун заматта алдын ала айта ала турган биосенсорду иштеп чыккандыгы үчүн президент Режеп Таййип Эрдогандан «TÜBİTAK 2022 шыктандыруу сыйлыгын» алды.