Байрактар LNG сатып алуу үчүн Exxon Mobil менен сүйлөшүүлөрдүн жүргүзүлгөнүн жарыялады

Энергетика жана жаратылыш ресурстары министри Алпарслан Байрактар, Америка Кошмо Штаттарынын (АКШ) энергетикалык компаниясы Exxon Mobil менен болжол менен 1,1 миллиард долларлык 2,5 миллион тонна суюлтулган жаратылыш газын (LNG) сатып алуу үчүн сүйлөшүүлөрдүн жүргүзүлгөнүн жарыялады.

Энергетика жана жаратылыш ресурстары министрлигинен берилген маалыматка караганда министр Байрактар ​​Англиянын Financial Times гезитине берген маегинде Түркиянын энергетикадагы көз карандысыздыгын арттыруу үчүн түрдүү кадамдарды таштаганын баса белгиледи.

Түркиянын жаратылыш газ муктаждыгынын дээрлик бардыгын импорттогондугун белгилеген Байрактар, жалгыз бир камсыздоочуга көз каранды болбостон жаңы бир камсыздоо портфели түзүүнү максат кылгандарын белгиледи.

Бул контекстте Exxon менен узак мөөнөттүү келишим үчүн сүйлөшүүлөрдү жүргүзүп жаткандарына көңүл бурган Байрактар ​​Түркиянын келишим менен жыл сайын 2,5 миллион тонна LNG камсыздай турганын айтты.

Министр Байрактар ​​Exxon менен сүйлөшүүлөр аяктаса келишим 10 жылга созулушу мүмкүн экенин белгиледи.

Байрактар ​​Түркиянын камсыздоо коопсуздугун камсыз кылуу үчүн түрдүү булактардан газ сатып алуу жолдорун баалагандарын белгиледи.

«Камсыздандыруу коопсуздугу үчүн биз газды кайсы бир жерден сатып алышыбыз керек. Бул Орусия, Азербайжан, Иран же LNG варианттары болушу мүмкүн. Биз ага атаандаштык көз карашынан баа беришибиз керек»,-деп айтып эң ылайыктуу варианттарга басым жасай турганын билдирди.

Байрактар ​​Түркиянын биринчи атомдук станциясы Аккуюнун курулушунда Орусия менен кызматташкандарын эске салып, Кара деңизде ушундай эле атомдук проектиге Орусия менен бирге Түштүк Кореянын да олуттуу кызыкдар экенин белгиледи.

Түркиянын Кара деңизде жаратылыш газы менен түштүк-чыгышта мунай өндүргөнүн жана иштеткенин белгилеген Байрактар ​​ушул жылдын аягында Кара деңизде жаратылыш газы менен бирге мунайдын да изилдене турганын белгиледи.

Министр Байрактар ​​бул долбоорлордун «оюндун эрежелерин өзгөртүү мүмкүнчүлүгүнө ээ» экенин баса белгиледи.