Куртулмуш бир канча өлкөнүн парламент төрагалары менен жолугушту
Стамбулда өткөрүлгөн конференциянын алкагында Куртулмуш бир канча өлкөнүн парламент төрагалары менен жолугушту.
Түркия Улуу Улуттук Жыйынынын (TBMM) төрагасы Нуман Куртулмуш Парламенттер аралык Кудс платформасынын 5-конференциясына байланыштуу Стамбулда Босния-Герцеговина, Сомали жана Сенегалдын парламент төрагалары менен жолугушту.
Стамбулда өткөрүлгөн конференциянын алкагында Куртулмуш Босния-Герцеговина Элдик Ассамблеясынын төрагасы Кемал Адемович, Босния-Герцеговина Эл өкүлдөр палатасынын төрага орун басары Денис Звиздич, Сомалинин Элдик Ассамблеясынын төрагасы Скейх Адан Мохамед Нур жана Сенегал парламентинин төрагасы Амаду Мама Диоп менен өз-өзүнчө жолугушту.
Жолугушууларда өлкөлөр жана парламенттер ортосундагы эки тараптуу карым-катнаштар, аймактык жана глобалдык маселелер, Израилдин Газа баш болгон Палестина жерлерине болгон кыргын кол салуулары каралды.
Сүйлөшүүлөрдө конференциянын тарыхый бурулуш боло турганына баа берилип, дүйнөнүн төрт бурчунан келген парламентарийлердин Палестина маселесине берген колдоосунун мааниси баса белгиленди.
