Президент Эрдоган Стамбулдагы митингде сөз сүйлөдү

Президент Режеп Таййип Эрдоган, жапа чеккендерге ар түрдүү жардамдарды көрсөткөндүгү үчүн империалисттер тарабынан Түркияга тузактар курулганын, улуттан алган күч менен алардын баарын жеңгендерин айтты.

Президент, Адилеттик жана өнүгүү партиясынын (АК Партия) төрагасы Эрдоган, жекшемби күнү боло турган жергиликтүү шайлоонун алкагында партиясынын Стамбул Султанбейли митингинде сөз сүйлөдү.

Эрдоган бардык кыйынчылыктарды биримдик жана ынтымактыкта жеңе ала тургандыктарын билдирди.

Түркиянын ар дайым адилетсиздикке каршы үнүн бийик чыгарган өлкө болгонун баса белгилеген Эрдоган: «Биз (Израилдин ымыркайларды өлтүрүшүнө тарыхый жооп катары) «One minute» деп жапа чеккендерге жасалган зулумга каршы позициябыз үчүн дискриминацияга кабылдык. Дүйнө бештен чоң (БУУнун 5 туруктуу мүчөсү) деп глобалдык башкаруу жана коопсуздук системасынын бурмаланышына каршы чыкканыбыз үчүн эмбаргого кабылдык. ПКК, ФЕТӨ жана ДЕАШ террордук уюмдарын бизге багыттагандарга багынбаганыбыз үчүн көптөгөн азаптар менен сыналдык. Газадагы кыргынга эң жогорку деңгээлде каршы чыкканыбыз жана жапа чеккендерге ар түрдүү жардамдарды көрсөткөнүбүз үчүн караландык»,- деди.

Элден алган күч менен бардык кыйынчылыктарды жеңгендерин баса белгилеген президент: «Азыр биз өлкөбүздү Түркия кылымы менен жаңы доорго даярдап жатабыз»,-деп айтты.