Байрактар: «Түркия терең деңиз бургулоо жана сейсмикалык кемелери бар 10 өлкөнүн арасында»

Энергетика жана жаратылыш ресурстары министри Алпарслан Байрактар ​​Түркиянын дүйнөнүн эң өнүккөн терең деңиз бургулоо жана сейсмикалык кемелерден турган флоту менен алдыңкы 10 өлкөнүн арасында болгонун айтты.

Министрликтин билдирүүсүнө караганда Байрактар ​​Стамбулда катышкан жыйында сөз сүйлөп, энергетикасынын дээрлик 70 пайызын импорттогон Түркиянын азыр өз кемелери жана инженерлери менен мунай жана жаратылыш газын издеп жатканын айтты.

Байрактар: «Биз флотубузга «Фатих», «Явуз», «Кануни» жана «Абдүлхамит Хан» кемелерин коштук. Бүгүнкү күндө Түркия дүйнөнүн эң өнүккөн терең деңиз бургулоо жана сейсмикалык кемелерден турган флотуна ээ өлкө. Алдыңкы 10 өлкөнүн арасында деп айта алам. Бул жылы 2024-жылды геологиялык чалгындоо жылы деп жарыялайбыз. Келечектеги ачылыштар менен Түркиянын энергетика жана жаратылыш газына болгон тышкы көз карандылыгын азайтабыз»,-деп айтты.

Байрактар ​​Түркиянын кайра жаралуучу энергия тармагындагы потенциалына байланыштуу: «Күн, шамал жана жаңылануучу булактарды колдонгон, өз мунай жана жаратылыш газын өндүргөн, атомдук энергияны колдонгон Түркия катары баарыбыз чогуу энергетикадагы бул тышкы көз карандылык көйгөйүн жоебуз»,-деди.