Түркия менен Кубанын ортосунда салык төлөөдөн качууга каршы келишим түзүлдү

Казына жана каржы министрлиги Куба менен салык төлөөдөн качууга каршы келишимге кол коюлганын жарыялады.

Келишим тууралуу маалымат министрликтин социалдык тармактагы эсебинде берилди. Буга ылайык Түркия менен Кубанын ортосунда «Киреше салыктарына кош салык салууга жол бербөө жана Салыктан качуу менен салык төлөөдөн качуунун алдын алуу келишимине» кол коюлду. Бөлүшүүдө төмөнкүлөр белгиленди: «Түркия Республикасынын Өкмөтү менен Куба Республикасынын Өкмөтүнүн ортосундагы сүйлөшүүлөрдүн биринчи айлампасы 2002-жылдын 4-8-февралында, ал эми сүйлөшүүлөрдүн экинчи айлампасы 2023-жылдын 6-9-июнунда болуп, «Киреше салыктарына кош салык салууга жол бербөө жана Салыктан качуу менен салык төлөөдөн качуунун алдын алуу» келишимине 2024-жылдын 13-мартында кол коюлду.

Түркиянын атынан казына жана каржы министри Мехмет Шимшек менен Кубанын атынан вице-премьер-министр Рикардо Кабрисас Руис кол койгон келишим эки өлкөнүн экономикалык карым-катнаштарына олуттуу салым кошот».